మళ్ళీ వారం మొదలయింది !

మళ్ళీ వారం మొదలయింది ! సంవత్సరం అయిపోతున్న భావం కలుగుతోంది మెల్లగా !
శనివారం సాయంత్రం కారుణ్య సంగీత విభావరి పుణ్యమా అని మళ్ళీ మిత్రుల్ని కలుసుకోడం జరిగింది.
పులిగండ్ల వారొచ్చారు సతీసమేతంగా.మలేషియా వెళ్ళడం వల్ల తెలుగు వెన్నెల సమావేశానికి రాలేకపోయారట. పునఃస్వాగతం !

ఈ వారం రెండు రేడియోల్లోనూ రెండు మంచి ప్రత్యేక కార్యక్రమాలొచ్చాయి.

శనివారం చంద్ర కన్నెగంటి, గోపాల్ గార్లు "ఆనందలహరి"లో "తెలుగు నవలా చిత్రాలు" అనే ప్రత్యేక రేడియో కార్యక్రమంలో, చలన చిత్రాలుగా మలచబడ్డ తెలుగు నవలల గూర్చి చక్కగా విశ్లేషణ చేశారు.

ఆదివారం "గానసుధ"లో తెలుగువెన్నెల మిత్రుడు నాగేశ్వర రావ్ చింతపెంట గారు "విజయావారి ఘంటసాల" అని ఒక చక్కని ప్రత్యేక కార్యక్రమం చేశారు. విన్నారా ? విజయా పిక్చర్స్ నాగిరెడ్డి , ఘంటసాల గార్ల జయంతుల్ని పురస్కరించుకుని, ఆ కార్యక్రమం రూపొందించాను అని చెప్పారు సినారా గారు.

చంద్రగారికి,గోపాల్ గారికి, నాగేశ్వర్రావ్ గారికి తెలుగు వెన్నెల అభినందనలు !!